74              ARTISTES PARISIENS DU XVIe ET DU XVIIe SIÈCLE.
clairez, spécifiiez, aud. sr de Gargas.appar­tenant, ainsy qu'il a dict et affirmé, et qui sont de present dedans une maison où il faict sa résidence, assize en lad. Cousture-Saincte-Catherine, pour d'iceulx meubles jouir, faire et disposer par lad. damoiselle ainsy que bon luy semblera, declairant en outre icelluy sr de. Gargas que tous et cha­cuns les autres biens meubles qui sont et peuvent estre à present en lad. maison ap­partiennent, à icelle damoiselle et non à luy, qui n'y prêtent aulcune chose, et qui sont mentionnez et spécifiiez en l'inventaire faictz par lesd, notaires soubzsignez à la requeste, desd. deMaillery et safemme, dès le lundy, io1 jour d'apvril 1589 :
Premièrement, six pièces de haulte lisse faictz à personnage; façon de Champaigne ou d'Auvergne.
Item, huict autres pièces de tapisseryes de mesme verdure.
Item, ung tour de lict de serge verte, acoustré de passement de soye verte, ung lict et traversin à coustil rayé, garniz de pleume, une couverture de Çastellongne verte.
Item, ung coffre de bahut plat, couvert de cuir noir, à bande de fert noir, à cloudz blancz, garny d'une serrure fermant à clef.
Item, ung autre grand coffre de bahut neuf, fasson de garde robe, couvert de cuir et bande de fert, à deux fermures à clefz.
Item, deux chaires à dossier, couvertes de cuir de maroquin de Levant, coulleur rouge, avec ung petit placet, couvert de tapisserye.
Item, environ vingtz livres d'estain en plusieurs ustencilles, comme potz, platz, escuelles et assiettes, deux chandeliers d'estin.
Item, dix neuf draps de lict, de thoille de chanvre et gros lez, tant vielz que neufz; une
douzaine de nappes de plusieurs grandeurs, de thoille de chanvre, aucunes presques neufves et les autres caducques et usées; trois douzaines de serviettes telles quelles, dc thoille de chanvre.
Item, trots lictz à coustil rayé, garniz de leurs traversins, et le to'ut garny de pleume.
Item, une grue d'or, esmaillée de noir, dessus l'estomacq de laquelle est ung dia­ment, taillé à face, sur Ia teste une petite poincte de diament, sur chacune des deux aisles chacune une esmeraulde, et quatre petites esmerauldes aultour des piedz, et une perle dans la patte.
Item, ung anneau d'or non esmaillé, auquel sont enchâssez façon de rozè six petits dyamentz en table et au meilleu une autre poincte de dyament taillé à face.
Item, ung autre anneau d'or esmaillé de plusieurs coulleurs, façon de roze, auquel est enchassé six pierres, assavoir : trois dya-nicns, trois'rubis, le tout en table et une aupalle au milieur.
Item, une enseigne d'or esmaillée de noir, où il y a une agatte au millieu, dans laquelle est ung poisson portant ung petit enffant sur son doz.
Item, ung anneau d'or esmail[lé], où est enchassé une cornallayne, en laquelle est gravé une teste Neron.
•Item, ung demi cainct d'argent, garny de chesnes, vallant, au pris de six escus le marq, la somme de quinze escus sol.
Tous lesquelz biens meubles lad. damoi­selle confesse avoir en sa possession, dont elle s'est tenue et tient pour contente et en a quicté et quicte led. sieur de Gargas et tous autres, pour d'iceulx jouir, faire et dis­poser, comme dessus est dict et declairé. Ceste presente donnation, cession et trans­portz faictz pour et en recompence et rému­nération des plaisirs que lad. damoiselle donnataire a faictz aud. donnateur de luy